11-қыркүйек күні Астанада Қазақ хандығының 550 жылдық мерейтойына байланысты салтанатты жиын өтті. Шараға өзге елдерден де құрметті қонақтар шақырылды. Олардың қатарында Қырғыз Республикасының президенті Алмазбек Атамбаев, Әзірбайжан президенті Ильхам Әлиев, Түркменстан президенті әкімшілігінің өкілдері де бар.
Тәуелсіздік сарайына Қазақстан Республикасы Парламентінің депутаттары, зиялы қауым өкілдері, спорт, мәдениет және өнер қайраткерлері қатысты. Елбасы Қазақстан халқын мерейтоймен құттықтай келе мемлекеттің атауын жанама түрде «Ұлы дала елі» деп атауды ұсынды.
Нұрсұлтан НАЗАРБАЕВ, ҚР Президенті:
— Біздің қасиетті жерімізді ықылым замандардан Ұлы Дала деп, ал бабаларымызды Ұлы Даланың ұрпақтары деп атаған. Біз солардың жалғасымыз, Ұлы Даланың мұрагерлеріміз. Осынау кең байтақ Ұлы Даланың көгінде халқымыздың бақ жұлдызы болып Жаңа Қазақстан дүниеге келді. Біздің Қазақстанымыз — ұлы істердің ұйытқысы болған Ұлы Дала Елі!
![Консульство Республики Казахстан в г.Омске (РФ) в Контакте [ожидает перевода]](/en/../files/authorities/vk-logo.png){kind=logo}
