Бүгін Астрахань облысына жұмыс сапарының шеңберінде Ресейдегі Қазақстанның Елшісі Ермек Көшербаев Володар ауданының Алтынжар селосындағы Құрманғазы атындағы өңірлік мәдени орталыққа барды.
Орталық 2005 жылы ұлы қазақ күйшісінің мазарының қасында ашылған. Өткен уақыт ішінде кешен өңірдің маңызды туристік объектісіне айналды, оған жыл сайын бүкіл әлемнен мыңдаған тауап етушілер мен туристер келеді.
Ермек Көшербаев жергілікті қазақ қоғамдық бірлестіктерінің өкілдерімен кездесті. Отандастарды толғандыратын өзекті, бірінші кезекте қазақ тілін үйренуге қатысты мәселелер қозғалды. Осыған байланысты Астраханьдағы ҚР Бас консулдығының басшысы Тауболды Үмбетбаев қазақ тілінде оқытатын сыныптары бар екі мектепке онлайн-оқыту үшін компьютерлік техниканы ("Отандастар" қорының жәрдемімен сатылып алынған) өңірдің мәдениет және туризм министрі Ольга Прокофьеваға табыстады.