Бәйге, бәйге, бәйге!
Қылқаламды аламыз,
Түрлі сурет саламыз!
Құрметті достар,
Қазақстанның Омбыдағы Консулдығы Қазақстан Республикасының Тәуелсіздігінің 30 жылдығына және Халықаралық балаларды қорғау күніне орай балалар арасында "Қазақстан - балалар көзімен" тақырыбында сурет байқауын жариялайды. Сайысқа 6-12 жас аралығындағы қылқалам шеберлері қатыса алады.
Байқау шарттары:
- Сурет форматы А4 немесе А3 болуы қажет. Сурет салудың кез-келген техникасы қабылданады (қарындаш, фломастер, гуашь, акварель, тушь, пастель, витраж, майланған және акрилденген бояулар және т.б.);
- Жұмыстарды картоннан жасалған жиектемеге салу керек;
- Автордың аты-жөнін, жасын, тұрғылықты жері мен байланыс телефонын көрсеткен жөн;
- Суреттерді 2021 жылғы 26 сәуір - 24 мамыр аралығында пошта арқылы мына мекенжайға жолдау қажет: Қазақстан Республикасының Омбы қаласындағы Консулдығы, 644010, Омбы қ., Ш.Уәлиханов көшесі, 9 үй. Сонымен қатар, суреттің жақсы сапада түсірілген фотокөшірмесін konkursomsk2021@mail.ru электрондық поштаға жіберу керек;
- Жеңімпаздар тәуелсіз қазылар алқасы шешімінің негізінде анықталады;
- Үздік суреттер Қазақстанның Омбыдағы Консулдығында өтетін көрмеге қойылады;
- Жеңімпаздарды марапаттау салтанатты рәсімі 2021 жылғы 1 маусым күні өткізіледі;
Байқаудың нәтижесі туралы толық ақпарат Консулдықтың www.kz-omsk.ru ресми сайтында және әлеуметтік желідегі парақшаларында жарияланады.