2020 жылдың 15 тамыз - 2 қазан аралығында Қазақстан Республикасының Мемлекеттік Әнұраны авторларының бірі, көрнекті композитор Шәмші Қалдаяқовтың 90 жылдығына арналған "Менің Қазақстаным" атты халықаралық музыкалық челленджі өтті.
Бұл халықаралық шараға Қазақстан Республикасының Омбы қаласындағы Консулдықтың консулдық округіне қарасты өңірлердің қазақ ұлттық-мәдени орталықтар өкілдері белсене қатысты. Атап айтқанда, челленджге Омбы облысының "Мөлдір" Сібір қазақ мәдениеті орталығының" жетекшісі Алтынай Жунусова, Алтай өлкесінің Қазақ мәдениеті орталығы ұйымының әншісі Жанна Тышқанова, Алтай Республикасының Қосағаш ауданының жергілікті қазақтар қоғамының өкілі Жаңайдар Нұрсәлиев, Томск қаласының «Қазақтардың ұлттық-мәдени автономиясының» жетекшісі Орықпай Орынғожин және Новосібір облысы мәдениет министрлігінің креативті инновациялар орталығының бас директоры Бейбіт Мухамедин өз үлестерін қосты.
Аталған музыкалық шараға белсенді қатысқаны үшін Қазақстан Республикасының Мәдениет және спорт министрі Ақтоты Райымқұлова және Консулдықтың басшылығы оларға алғыс айтты.