Ашылу салтанатына Қазақстанның Ресейдегі Елшісі Ермек Көшербаев пен Мәскеу қаласы Басман ауданы басқармасының басшысы Ирина Лесной қатысты.

Фотокөрме Грибоедов ескерткішінің жанындағы адам көп жүретін жерде орналасқан. Экспозицияда Нұрсұлтан Назарбаев Қорының, ҚР Қарулы Күштері Ұлттық әскери-патриоттық орталығының Әскери-тарихи мұражайының, ҚР Ақпарат және қоғамдық даму министрлігінің және "Kazakh Tourism "ҰК" АҚ мұрағаттарынан алынған бірегей фотосуреттері бар 16 екіжақты стенд ұсынылған.

Қазақстанның Ресейдегі Елшісі Ермек Көшербаев фотокөрмені ұйымдастыруға көмек көрсеткені үшін Мәскеу қаласы Басман ауданы басқармасының басшысы Ирина Леснаяға алғыс айтып, оның екі елдің мәдени-гуманитарлық өміріндегі маңыздылығын атап өтті. Ол Жеңіс күні қарсаңында, әсіресе, жас ұрпаққа ата-бабаларының ерліктері туралы тарихи шындықты жеткізу өте маңызды екенін айтты. Елші көрме мәскеуліктер мен қала қонақтарына қызықты әрі танымды болатынына үміт білдірді. Оның пікірінше, цифрлық технологиялардың қарқынды дамуы дәуірінде де фотостендтердің дәстүрлі форматы бұрынғысынша сұранысқа ие және өзекті болып қала береді.

Көрмені Қазақстанның Ресейдегі Елшілігі Нұрсұлтан Назарбаев қорының қолдауымен ұйымдастырады және ол 16 мамырға дейін жалғасады.