2021 жылғы 31 мамырда Қазақстан Республикасының Омбы қаласындағы Бас консулдығында Қазақстан Тәуелсіздігінің 30 жылдық мерейтойы мен саяси қуғын-сүргін және ашаршылық құрбандарын еске алу күніне арналған "Қазақстан: Егеменді ел, тәуелсіз мемлекет" (тарихы, бүгіні, болашағы)" атты дөңгелек үстелдің екінші бөлімі өтті.
Іс-шара басталар алдында дөңгелек үстелге қатысушылар саяси қуғын-сүргін және ашаршылық құрбандарын бір минуттық үнсіздікпен еске алды. Содан кейін "Ешқашан ұмытылмайды" атты деректі фильм көрсетіліп, жаппай саяси қуғын-сүргіннің басталуы, оның жеке адамдардың тағдырына әсері және миллиондаған адамдардың өліміне әкелген, қазақ халқы тарихының ең қайғылы да зұлматты - Ашаршылық кезеңі мен оның негізгі себептері талқылады.
Дөңгелек үстелге педагогикалық ғылымдарының докторы, профессор Қайыртай Әмірғазин, журналист Айгүл Бескемпірова, А.С.Пушкин атындағы Омбы облыстық мемлекеттік ғылыми кітапханасы директорының орынбасары Андрей Рыгалов, сондай-ақ Омбы, Алтай, Қорған, Новосібір, Томск және Челябіде орналасқан қазақ қоғамдық ұйымдарының басшылары мен өкілдері қатысты.
XX ғасырдың 20-50 жылдардағы саяси қуғын-сүргін, сондай-ақ 1986 жылғы Желтоқсан көтерілісіне қатысушыларға қарсы жүргізілген қуғын-сүргін зобалаңы – Қазақстанның тарихындағы қасіретті кезең. 1997 жылғы 5 сәуірде Қазақстан Республикасының Тұңғыш Президенті - Елбасы Н.Назарбаевтың Жарлығымен 31 мамыр Саяси қуғын-сүргін құрбандарын еске алу күні ретінде белгіленді.