29 қарашада Қазақстан Республикасының Омбы қаласындағы Консулдығы және Омбы облысы Үкіметінің қолдауымен «Омбы қазақтары» Омбының регионалдық қоғамдық ұйымы ұйымдастырған «Омбыдағы қазақ мәдениеті апталығының» соңғы күні өтті.
Бұл күні Ұлттар істері жөніндегі федералдық агенттігінің көмегімен Ресей қазақтарының Федералдық ұлттық-мәдени автономиясы іске асырып жатқан «Қазақ халқының Ұлы Отан соғысы жылдарындағы ерлігі» атты көрме ұйымдастырылды. Іс-шараға қатысушылар Жеңіс паркінде гүл шоғын қойды.
Іс-шараның соңында Аймақаралық жастар фестивалі - "Жасұрпақ 2020" байқауының қорытындылары жасалып, мерекелік концерт өтті. Қазақстан Республикасының Омбы қаласындағы Консулдығының жетекшісі Ырысқали Дәуренбек Консулдықтың атынан байқаудың жеңімпаздарына естелік сыйлықтарды табыстады және жас конкурсанттарға белсенді қатысқаны үшін алғыс білдірді, сондай-ақ алдағы уақытта да шығармашылық табыстар тіледі.