Ү.ж. 9 маусымда Омбының "Вавилон" кинотеатрында Қазақстан Республикасы Тәуелсіздігінің 30 жылдығын мерекелеу аясында қазақ фильмдерінің көрсетілімі салтанатты түрде ашылды.
Қазақстанның Омбыдағы Бас консулдығы және «Қазақфильм» АҚ-ның қолдауымен "Қазақ ұлттық-мәдени орталығы" қоғамдық ұйымы ұйымдастырған осы мәдени шара аясында 9 - 11 маусым аралығында Қазақстанның белгілі режиссерлері Ермек Тұрсыновтың "Шырақшы", Қуат Ахметовтың "Әруақ" фильмдері мен Қанат Есенамановтың "Жас тұлпар" деректі фильмі көрсетіледі.
Көрсетілімінің ресми ашылуына Бас консулдықтың, Омбы қалалық әкімшілігі мен жергілікті қоғамдық ұйымдардың өкілдері қатысты.