2021 жылғы 20-21 қыркүйек күндері Омбы қаласының "Вавилон" кинотеатрында Қазақстан Республикасы Тәуелсіздігінің 30 жылдығы мен Қазақ киносының күніне арналған қазақ фильмдерінің көрсетілімі өтті.
Қазақстанның Омбыдағы Бас консулдығы және «Қазақфильм» АҚ-ның қолдауымен "Қазақ ұлттық-мәдени орталығы" қоғамдық ұйымы ұйымдастырған осы мәдени шара аясында грек-рим күресінің палуаны, Қазақстанның Еңбек Ері, Олимпиада чемпионы, Әлем чемпионы, Қазақ КСР чемпионы, екі дүркін Кеңес Одағының чемпионы Жақсылық Үшкемпіровтің өмірі мен тағдыры туралы «Жақсылық» атты өмірбаяндық таспасы мен «Композитор» көркем фильмі көрсетілді.
Көрсетілімінің ресми ашылуына Бас консулдықтың, облыстық өңірлік саясат және бұқаралық коммуникациялар министрлігінің және жергілікті қоғамдық ұйымдардың өкілдері қатысты.