2021 жылғы 1 сәуірде А.С.Пушкин атындағы Омбы облыстық мемлекеттік ғылыми кітапханасының конференц-залында "Атамекен-Отан" Омбы жергілікті қазақ ұлттық-мәдени автономиясы әзірлеген "Омбы облысы қазақтарыңың киелі жерлерінің географиясы" атты этнографиялық энциклопедиясының тұсаукесері өтті. Бұл энциклопедия Омбы облысындағы киелі жерлерді (мұсылман зираттарын) сипаттау жинағы болып табылады.
Аталған іс-шараға Қазақстанның Омбыдағы Консулдығының басшысы Ырысқали Дәуренбек, Омбы облысы өңірлік саясат және бұқаралық коммуникациялар министрлігінің, түрлі қазақ қоғамдық ұйымдарының өкілдері және облыстық ғылыми кітапхананың басшылығы қатысты.
Қазақстан Консулдығының басшысы сөйлеген сөзінде шара қатысушыларын ұлтымыздың ұлық мерекесі - Тәуелсіздіктің 30 жылдығымен құттықтап, бұл жинақтың маңыздылығын атап өтті және осы этнографиялық энциклопедияның бірегейлігі жас ұрпақ арасында патриоттық рухта тәрбиелеуде, халықтың тарихын, мәдениеті мен дәстүрлерін құрметтеуде маңызды рөл атқаратына сенімділік білдірді.