Құрметті Қазақстан Республикасының азаматтары!
Қазақстан Республикасы Президентінің 2020 жылғы 21 қазандағы №439 Жарлығына сәйкес, 2021 жылғы 10 қаңтарда Қазақстан Республикасының Парламенті Мәжілісінің депутаттарының кезекті сайлауы өтеді.
Дауыс беруді Қазақстан Республикасының Омбы қаласындағы Консулдығының жанында №229 сайлау учаскесінде ұйымдастыру жоспарланады. Сайлауға Қорган, Новосібір, Омбы, Томск, Түмен және Челябі облыстары, Алтай республикасы мен Алтай өлкесінде тұратын Қазақстан Республикасының азаматтары қатыса алады.
Сайлау учаскесінің жұмысын сапалы ұйымдастыру және сайлаушылардың тізімін жасау үшін, Сіздерден өздеріңіз жайлы ақпаратты (аты-жөні, туған күні, мекенжайы, телефон нөмірі) omsk@mfa.kz электронды поштасына жолдауды немесе +7 3812 32 52 06 телефонға хабарлауды сұраймыз. Дауыс беру ҚР азаматының төлқұжаты немесе жеке куәлігі негізінде жүзеге асырылады.
Қазақстан Республикасы Орталық сайлау комиссиясының ҮНДЕУІ: https://www.election.gov.kz/kaz/news/releases/index.php?ID=5700&v=mobile