2022 жылдың 23 мамырында Қазақстан Республикасы Бас консулдығының қолдауымен «Kazakh Tourism» ҰК» АҚ, Алматы қаласы әкімдігінің Туризм басқармасы және қазақстандық туроператорлар өкілдерінен тұратын делегациясының Омбы қаласына сапары өтті.
Омбы облысының мемлекеттік органдары, туристік қауымдастығы және жергілікті қазақ қоғамдық ұйымдары өкілдерінің қатысуымен облыстық Конгресс-холлда өткен роуд-шоу барысында мәдени-танымдық, экологиялық, спорттық, сауықтыру және іскерлік туризм сияқты бағыттарда қызықты және жайлы демалу мүмкіндігі бар Қазақстанның туристік әлеуеті ұсынылды.
Іс-шара бағдарламасы аясында екі елдің туроператорлары арасында ынтымақтастықтың өзекті мәселелерін талқылау, ақпараттық турларды ұйымдастыру, серіктестік қарым-қатынастарды орнатуды және нығайтуды көздейтін B2B келіссөздері жүргізілді.