Шетел азаматтары үшін ЖСН ресімдеу тәртібі
Мемлекеттік қызметті шетел азаматтарына Қазақстан Республикасының Омбы қаласындағы Бас консулдығы арқылы Қазақстан Республикасының Ішкі істер министрлігі көрсетеді.
Мемлекеттік қызмет көрсету мерзімі – 2 жұмыс күні.
Азаматтарды қабылдау ТЕК АЛДЫН АЛА ЖАЗЫЛУ БОЙЫНША жүзеге асырылады (келуді келесі сілтеме бойынша брондауға болады, Құжаттама және визалар санаты).
Арыздар Бас консулдықтың округінде тұратын (Кемеров, Новосібір, Омбы және Томск облыстары, Алтай Республикасы және Алтай өлкесі) азаматтардан ғана қабылданады.
Қызметті алушы мемлекеттік қызметті алу үшін Қазақстан Республикасының Омбы қаласындағы Бас консулдығы ЖЕКЕ ӨЗІ ЖҮГІНЕДІ және мынадай құжаттарды ұсынады:
1) нысан бойынша өтініш (осы жерден жүктеу);
2) шетелдік паспорттың түпнұсқасы + көшірмесі (шетелдік паспорт болмаған кезде ішкі паспортындағы иесінің аты-жөні латынша көрсетілген нотариалды куәландырылған аудармасы).
Егер көрсетілетін қызметті алушының жеке басын куәландыратын құжатта кириллицада нақтылау деректері (тегі, аты, әкесінің аты (бар болған жағдайда) болмаған жағдайда, құжаттың нотариалды куәландырылған аудармасын қоса беріледі.
МАҢЫЗДЫ!
Қызмет тегін түрде көрсетіледі.
Сенімхат бойынша ЖСН ресімделмейді.