2021 жылғы 18 тамызда А.С.Пушкин атындағы Омбы мемлекеттік облыстық ғылыми кітапханасының басшылығына қазақтың ұлы ақыны және ойшылы Абай Құнанбайұлының кітаптары салтанатты түрде табыс етілді. Аталған басылымның ерекшелігі - ол Брайль шрифтімен басылып шығарылған.
С.Торайғыров атындағы Павлодар облыстық кітапханасы бұл кітаптарды Абай Құнанбаевтың 176 жылдығын атап өту күндері аясында, сондай-ақ Қазақстан мен Ресей арасындағы мәдениетаралық диалогты нығайту мақсатында сыйға тартқан.
Кітаптарды табыс ету рәсіміне Қазақстанның Омбыдағы Бас консулдығының қызметкерлері мен "Қазақ ұлттық-мәдени орталығы" Омбы облысының аймақтық қоғамдық ұйымының өкілдері қатысты.
P.S.: фотода қазақ және орыс халықтары достығының символы ретінде Петропавлдағы Абай мен Пушкиннің ескерткіші.