Жарқын мерекесі - Рождество күні «Қазақ ұлттық-мәдени орталығы» Омбының регионалдық қоғамдық ұйымы әлеуметтік серіктестері мен Қазақстанның Омбыдағы Консулдығының қолдауымен «Рождествода балаларға қуаныш сыйла» атты қайырымдылық акциясын ұйымдастырды. Аталған акцияға Консулдықтын басшысы Ырысқали Дәуренбек, РФ Мемлекеттік Думасының депутаты Дмитрий Перминов және Омбы әкімшілігінің өкілдері қатысты.
Осы іс-шара аясында екі жүзден астам көпбалалы және аз қамтылған отбасылардың балалары мен мүмкіндігі шектеулі балалар Жаңа жылға арналған спектакльге қатысып, арнайы сыйлықтарын алды.
Қазақстанның Омбыдағы Консулдығы барлық православиелік христиандарды Рождествомен құттықтайды!
Барлығыңызға мықты денсаулық, үміттердің ақталуын, бейбітшілік, мейірімділік, бақыт пен береке тілейміз!
