2021 жылы 28 желтоқсанда Д.М.Карбышев атындағы «Омск-Центральный» халықаралық әуежайында Омбы (Ресей Федерациясы) – Павлодар (Қазақстан Республикасы) бағыты бойынша Сібір әуе компаниясының (S7 Airlines) бірінші тұрақты рейсінің салтанатты ашылуы өтті.
Екі бағыттағы рейстер аптасына бір рет, сейсенбі күндері орындалады. Жаңа бағыттың арқасында жолаушылар Павлодардан Омбы арқылы Мәскеу мен Новосібірге S7 Airlines рейстерімен де ыңғайлы қатынайтын болады.
Салтанатты шараға Омбы әуежайы, «Қазақ ұлттық мәдени орталығы» аймақтық қоғамдық ұйымының басшылығы, сондай-ақ Қазақстан Республикасының Омбыдағы Бас консулдығының өкілдері қатысты.
