2022 жылы 6 тамызда Омбы қаласының Мэрі Сергей Шелест Омбы қаласының Күнін мерекелеуге қатысу үшін келген Павлодар қаласы әкімінің орынбасары Светлана Гладышева бастаған делегациямен кездесті.
Кездесуге Қазақстанның Омбыдағы Бас консулы Керім Қожамбердиев, РФ СІМ Омбы қаласындағы өкілі Евгений Косинцев және Омбы сауда-өнеркәсіп палатасының президенті Ольга Федулова қатысты.
Кездесу барысында тараптар бауырлас қалалар арасындағы сауда-экономикалық және мәдени-гуманитарлық ынтымақтастықты дамыту мәселелерін талқылады.
Байланыстар биржасын өткізу, "Павлодар" арнайы экономикалық аймағымен танысу және бауырлас қалада Омбы жоғары оқу орындарының күндерін ұйымдастыру мақсатында Омбы бизнес миссиясын Павлодарға жіберу туралы уағдаластыққа қол жеткізілді.
Керім Қожамбердиев, өз кезегінде, Бас консулдық алдағы уақытта да Қазақстан өңірлері мен Омбы облысы арасындағы өзара тиімді ынтымақтастықтың жоғары оң динамикасын жалғастыру үшін қолдау көрсететінін айтып кетті.