Мәскеудегі Қазақстан Елшілігінде "Қазақстан Республикасының дипломатиялық қызметіне 30 жыл" мерекелік медальдарын тапсыру рәсімі өтті.
Қазақстан Республикасының Түмен облысындағы (Сургут) Құрметті консулы Оразхан Қалиев, Қазақстан Республикасының Түмен облысындағы (Түмен) Құрметті консулы Владислав Квасов және Қазақстан Республикасының Калининград облысындағы Құрметті консулы Александр Каневский марапатталды.
Қазақстанның Ресейдегі Елшісі Ермек Көшербаев екіжақты қарым-қатынастарды дамытуға қосқан үлесі үшін алғыс айтып, жаңа кәсіби табыстар тіледі.
Құрметті консулдар еңбектерін жоғары бағалағаны үшін ризашылықтарын білдіріп, Қазақстан мен Ресей арасындағы ынтымақтастықты нығайтуға бар күш-жігерін салуға уәде берді.